विदेह प्रथम मैथिली पाक्षिक ई पत्रिका
राम शंकर झा"मैथिल
स्मृति शेष : भाग-०३
ओ पोथी कें अपन
हृदय सँ झंपने
डेग पअर डेग झटकैत
उचकैत लचकैत
ओ आगू आगू आ
हअम पाछू पाछू
ओ पोथी कें अपन
हृदय सँ झंपने..!
जामुनबन्नी पाअर
भेल आ
पुरनी पोखरिक महार
हअमरा सँ नहिं
रहल गेल
पुईछ बैसलिएन
कियाक रुष्ट छि?
एतेक तमसाअल
जूनि खिझाउ न
हुनकर डोका सन
लाल लाल आंखि देखि
बुझना गेल जें
स्वयं चंडी माअय
अबतरि भेलीह
कंठ सुखअ लागल
पाईन.. पाईन.....!
बाउ बाउ कि भेल
बड़का काअ जोर सँ
हिलवैत डोलवैत
चौकी तअर सँ
फूलही लौटा लय
एतह पाईन अछि
मुदा ई प्यास छल.!
कि स्मृति शेष..
ओ पोथी कें अपन...!
बड़का का माथा फुकैत
हनुमान चलिसा कें पाठ
आ हम फेर
ओंघाईत स्मृति आलिंगन
गेरूआ कें छाती लगा
ओ पोथी कें छाती लगौने
बजलिह आन्हां तअ
आन्हां तअ आन्हां...
ओ दांत पअर दांत बैसोने
आन्हां पुरुख छि
पुरुख कें ई समाज
आइ धरि कन्याक जीवन
किछु बुझलकै
हअम कन्या छी
किछु दिनक बाअद
लोक हमर नाआम
सँ नहिं पहिचान
कहता इ ई
नारी छी मौगी छी
सब किछु हअमरे
हअम साहस कए
पुछलिअन भेल कि
आन्हां तअ ऐना
पूछि रहल छि जेना
जेना कि आन्हां खुरपी
पिजबैत होय आ गामक
गामक लोक वेद
हअर पालो लाए अहुछिया
ओ पोथी कें अपन...!
ओ बजलिह हअमर
पोथी मे मयूर छल ओकर
कि ओकर..
ओ चान सन मुहं कें निचां करैत
पैरक अंगूठा सँ जमीन
खोधियाबैत बजलिह
मयूरक बिचला डंटी पअर
अन्हाँक हाथक लिखल
कि लिखल....?
ओ बजलिह हअमर नाअम
इस्कूल मे सब सङ्गी पूछअ
लगलिह कतेक जतन सँ
ई लिखल गेल अछि नाअम
मुदा ई मयूर हअमरा
पोथी मे छल
अहाँक पोथी मे केना
ओ बजलिह ठक-ठकहरबा
सँ पैइर पाबि सकैत छी मुदा
मुदा आन्हां सँ....
ओ पोथी कें अपन...!
हम बड़-बड़ाएत
बड़का का हिलवैत
बाउ बाउ कोन पोथी
कोन पोथी..
अन्हाँक पोथी तअ
धेनहारी मे राखल अछि
आंखि फुजल पोथी
धेनहारी सँ टुकुर टुकुर
आ हम विस्मित भेल
पोथी कें टुकुर टुकुर
हअमरा सङ्ग हअमर
स्मृति शेष... स्मृति शेष....!
-राम शंकर झा"मैथिल", उघरा, दरभंगा, Mo -7970778787
अपन मंतव्य editorial.staff.videha@zohomail.in पर पठाउ।
विदेहमे सभठाम ताकू / Search all Videha
Static full-text search · Pagefindलेखक/शीर्षक/अंक/वर्ष — खोज-विधा। गद्य/पद्य/शोध current/static + पुरान Videha/Sadeha contents खोजैत अछि। पोथी pothi.htm केर पूर्ण listing, श्रव्य-दृश्य Audio_Video.htm केर पूर्ण listing, पञ्जी videha-sadeha/panji-shards GitHub data, आ थेसारस/शब्दकोश videha-ejournal.github.io/data GitHub JSON corpus केँ query करैत अछि आ दूनू Quiz corpus मे dictionary/vocabulary/शब्दार्थ-सम्बन्धी प्रश्नोत्तरी परिणाम सेहो जोड़ैत अछि। Quiz videha-quiz आ GitHub user-site दूनू bilingual quiz corpus खोजैत अछि। Roman/IAST + देवनागरी cross-script search समर्थित। Issue/Year लेल संख्या दिअ। PDF-अभिलेख archive.org/VidehaAndSadeha सूची खोजैत अछि।